AAMG @ Balsa's Birthday

Del Balsa el compleano zè iminente
Festa granda par tuta a zente
Se pareciemo a robe imperiai come el soito
chè el paron de casa, a cusinar, zè tuto un coito
antipasti de 'fetati, spris come se piovesse
carni cote al forno o in tecia ma mai lesse
contorni de stajon crude e anca cotte
par finir e tarine aea fine faremo a botte
vin da gran signori, un teroldego o altro de gran fatura
par parar zò el secondo e anca a verdura
opur un bon proseco de queo de 'fonso marcheto
che co te o pusi in toea el zè beo neto
aea fine passoea par tuti sui bicierini
e un goto de 'ranciata par i picenini
Ne speta na gran festa su questo no se pol dubitare
AHJM e che altri in mo*a de so mare

Schieson Trevisann al Super

 

 

Serata incredibie dai risvolti inatesi
quea che al super ne gà presi
presi dai ricordi, presi daea giovinessa
quando che ogni tosa jera na principessa
ma soeo pal tempo necesario par limonar
e dopo te podevi mandarla a ca*ar.
Pissa decente con na bira da meso
proseco decente no de queo peso
consumasion inclusa questo jera el pacheto
che ne gà visto in 4 omeni pìù el Marcheto
al super che riciapava a festa de fine carneval
zente in maschera a far del bacanal.
Certo a serata no jera 'nisiada benon
visto che dentro no ghe jera proprio el pienon
ansi un grupeto de vecieti che imparava a salsa
intanto che spris e dondi rivangava col Balsa:
"te ricorditu de a Veruska, dea Tisiana, de a Lisa"
"Quaea? a tetona?" "no quea daea coscia lisa" (gioco di parole basato sul fatto che Lisa è sia nome di donna che aggettivo che definisce qualcosa di usato, logoro, rovinato)
sui schermi pasava i bei ani dea discoteca
co se 'ndava in zerca a chi che pì ghe ne beca
spris coa coda de cavei, ghe jera anca el Galante
e ovunque tante tose dal far provocante.
A roba bea zè rivada al momento dea consumasion
"cossa toemo? na bira o un bombardon?"
Porco e fora i te sbusa a teserina
tuti preocupai trane el Balsa con sorpresina
parchè el sbusava e l'ofriva par tuti
jack e cola, a pioggia, e zò coi ruti
"Ma quanto paghitu?" "Tranquii ofre a casa
I sbusa 'sta Drink Card ma quea bona zè in soasa"
quindi imbriago el zè 'ndà casa sensa pagar un euro
ma col mal de testa da ricoverar al neuro.
Chiudo disendo che no zè pì un ambiente par njaltri
i tosati de 'desso zè pì zovani e pì scaltri
e tose provocanti e te fa perdar a testa
ma soeo una, a mi, me fa sempre festa
me mojer che a quee le fa tute quante vergognare
AHJM che e 4 baldrache tute in mo*a de so mare

Schieson Trevisann par l'evento Exotic Disco

 

 

Evento novo par l'academia soeo maschie
assemo e femmene da soe sul fienie
parchè 'sto giro soeo omeni in discoteca
e se ne freghemo se a qualcuno 'sta roba ghe seca
zè l'evento del supersonic tanto spetà
talmente tanto che el limite jera quasi passà
segno che i tempi passa o che qualcuno zè vecio
mi no de sicuro... questo me disea 'stamatina el specio.
Zà el spriss gà messo e man in vanti
so fioi, puareti, i li farà aea fine santi
parchè l'omo zè sempre in giro pal mondo
e dal'alto dal'aereo vede a tera tuta un tondo.
El Dondi gavarà ancora a schiena blocada?
parchè in ch'el stato, al super, sarà na figada
baear come un toco de toea
stando atento al baricentro sempre in boea
parchè se el se inclina el riva de bloco par tera
e eà o assemo destirà par tuta a sera.
El CP el gavarà problemi de orario
Calogero un impegno de panolini o altro vario
Aea fine ghe saremo soeo mi e el Balsa
a baear canson dea Cucarini o magari a salsa
ma un paro de cagnasse e tiremo sempre fora
par no risciar de magniar soeo a pissa e tornar de bonora
magniaremo anca na passoea che quea zè sempre gradia
AHJM e che altri in mo*a de so sia!

Schieson Trevisann all'evento AAMG@Pasta e Fasioi

 

Liberamente tratto da "Pasta e Fasioi, pochi i fioi", bagatella scherzosa di B.B.Balsa

 

Na pasta e fasioi de na certa sostansa

de sapore genuino e che scalda a pansa

tuti de gusto co a pasta e fasioi

anca se, pi dei grandi, ghe iera i fioi

do quei de Spriss e CP co a sua

a saltar sol divano i ghe ne ga fate na passua!

che bea festa co e creature che se a spassa

tuti contenti e magnà anca massa

parchè a roba jera contada par tanti

se jera in pochi ma semo ‘ndai ostesso vanti

saeado co a puenta, fasioi in pasta, stinchi e fenoci

e col dolze de l’asilo me vegnea fora a roba dai oci.

Un pensiero par i elementi che jera assenti

forsa ragassi, tegnè duro e strenze i denti

Se sentimo presto par bevar e magnar insieme

AH HE JI ME e tuto ciò che viene

Liberamente tratto da "Controrima alla Pasta e Fasioi, pochi i fioi" scritta da J.R.R.Pokotho

Despiasui tantisimo par a mancansa
de pasta e fasioi me a sentivo zà in pansa
ma a femmena a gà avuo un bruto pomerigio
che, nonostante el sol, zè stà bastansa grigio
mae de testa, de pansa e de ossi
a pensava de butarse direta zò pai fossi
son pasà in modaità infermiere
riseto in bianco e camomia da bere
puareta a me femmena, domenega da desmentegar
water pronto verto e festa da rimandar
sarà el tendon, sarà del Balsa el compleano
organisemose veoci che riva el Cojano
aea prosima amici co a femena in pompa magnia
AHJM in mo*a a maeatia e so mare che a cagnia

AAMG @ Pub Corner

 

 

Evento "AAMG @ Pub Corner (AAMG @ Angolo Pub)"
Data Evento Venerdì 01 Febbraio 2013
Location Evento Tendon dea sagra
Orario Evento 20:00
Formula Evento C.C.C.C.N.C.N.C. (Chi C'è C'è Chi Non C'è Non C'è)

Rima per l'evento
"Par San Biasio tuti soto el tendon
femene vojose e femene col baldon
al angoeo pub se magniemo un panin
do patatine e de rosso un bel bicierin
sagra dedicada "...al'armeno pastore
fin la belva sopito il furore..."
questa a canson cantada aea mesa granda
co l'organo a tuto bain come na banda
se spera in te na grande partecipasion
del'Alta Academia par far un figuron
ghe fazemo vedar a che i quatro desgrassiai
na bea compagnia de giovani inamorai
de a vita, del magniar e dea bea compagnia
AHJM e che altri in mo*a de so sia"

Rima in inglese (per i bi-nazionali - Thanks to Google Translator)
"Par San Biasio tuti soto and tendon
Femene vojose and Femene with Baldon
angoeo to a pub if magniemo Panin
do de red chips and a nice bicierin
dedicada festival "... al'armeno shepherd
since the beast appeased the fury ... "
in this canson cantada aea mesa granda
the co organ Institute bain as na banda
if na great hopes in you partecipasion
del'Alta Academia par to a figurón
ghe fazemo vedar in that the four desgrassiai
na bea company of young inamorai
de to life, and magniar goddess bea company
AHJM and others to de mo * know is "

Schieson Trevisann par Aurora, Di Don Aldo e nuovo evento

Par a serata de ieri sera picoeo pensierin
Auguri Aurora, tuti quanti fazemo Cin Cin
parchè a toseta, cara, a gà apresà veramente
ciapando el regaeo davanti a tuta a zente
acompagnà da un biglieto tuto coeorà
che tanta zente a sentirlo se gà emosionà
parchè jera un biglieto puro e mondo
nel senso de pulito e no del'amicone CB Mondo
na fadiga a farlo ma de questo gavemo zà parlà
e quindi al prosimo argomento son zà pasà.
Se parla de "Di Don Aldo" ristorante da gurmè
pensar che e cameriere se fà tute e sere un bidè
prima de rivar in saea a servir i ospiti afamai
se no el paron "Di Don Aldo" ghe fà pasar guai
parchè i dipendenti zè tuti par taim pagai poco
ognun co a cufieta sua recia e parlar roco
"Do Big Mec al tavoeo quarantaoto
ocio a no cascar che col vasoio te fa el boto"
"I ne gà ordinà vinti scatoe de aete de poeastro
movarse a cusinarle, sio bojasso, sio scaltro"
e vanti cussì vintiquatro ore al giorno
co te rivi casa te ssì altro che storno.
Comunque quasi tuti de njaltri se gà divertio
a parte una persona che se gà imbrividio
parchè a gavea paura de, qualcun de noto, incrosar
che disesse "Ciao Pipe, 'desso te fasso incriminar"
puareta ea a lavora vinti giorni de fia
e co a vien fora no a riconosse gnianca so sia
ma par fortuna che a gà el Balsa che la rencura
e che par ogni maeano jù ghe trova a cura
'desso pò ch'el se gà taja forte i cavei
no'l ghe someja pì a orzowei
ma el par uno che gà trovà na nova spinta, un novo motor
jù che da sempre zè un puro, zè un gran signor.
Do notissie degnie de nota zè da riportar
pronti col bloco notes che ve dovè segnar:
braghete curte e menù al cili
riva 'ste notissie sora, dei panini, el grasso e i chili
e braghete usae in paestra
che segna, eà in meso e gambe... a "baestra"
el strumento de ataco che te sguinzagli al momento
"sbassate in avanti e pusate sul mento
che 'desso te bato come che se bate el bacaeà
te ciapo sora, soto, de qua e de eà"
che altra notissia zè... el prosimo evento
che riva fra do giorni... oh, Madonna! Che tormento
pal nostro stomego che no jera pì abituà
e co'l picante, de solievo presto el necesiterà
tuti dal Balsa co e pignate zà in funsion
dai Studios organisemo un gran feston
un pochi col picante, che altri aete de poeastro da magniar
AH HE JI ME tuti che altri in mo*a deve 'ndar

AAMG per "Di Don Aldo"

Liberamente tratto da "Rima per Di Don Aldo" scritto dal sommo B.B.Balsa

“Mc Donald” ghe dis i americani
ai ristoranti dove te magni co e mani
a dir a verità “fast fud” lori li ciama
saria come na ostaria, par spiegargheo a me mama
mezo ovo co l’aciuga, a fetta de musetto, a pendoea de lateria
el fast fud lo gavea za inventà a pora siora maria
quea de a botega, a Rovarè, di fronte aea cesa
sensa capeini, mec-cicchen, e mec sorpresa
In american el “Mc” davanti al cognome
L’è segno de nobiltà, in Italia l’è el “DA” se dovessimo dir come
E quindi par spiegar cossa che “Mc Donald” vol dir
a paroea “di Don Aldo” dovemo capir
parchè, cari miei, anca qua c’entra el prete
che porta pan co ze fame, e vin co ghe ze sete
quei bei preti de campagna, co a tonaga e bareta
che bevendo in ostaria, buta un’ocio so a teta
ma fermo nella missione: magna, beve e scampa via
e cussì nasse el fastfud, in bona compagnia
l’AAMG sta sera sperimenta sta roba americana
ottimisti come aver in cueo na banana
daremo un giudissio, sarà quel che sarà
AH HE JI ME par de à e par de qua

Liberamente tratto da "Controrima per Di Don Aldo" scritto da J.R.R.Pokotho

Me mancava na rima bea come che se deve
come a uno in t'el deserto che sogna soeo ch'el beve
zè stà dura scrivar "amore" "bellissima" e "amici"
quando ghe stava na bea rima tipo... "trombemo come pernici"
ma par carità, a na cea che compie i ani no se pol dir porcae
se no, a so papà, ghe gira altro che e bae.
Tornemo al tema caldo, el ristorante "Di Don Aldo"
che s'el fosse ancora vivo 'ndarie in giro spavaldo
varda che impero col me nome, par tuto el mondo
el me conto in banca zè un fantastiliardo beo tondo
e tuto a forsa de panineti co bistechete stirae
tocheti de hamburger e, de poeastro, 6 tochi de ae
altro che a "sora Maria" che a te dava el vovo coa aciuga
o el folpeto co a zegoea che el sudor a te suga
el goto de rosso, a carta in man da ziogar
el tocio del saeme, daea toea, gratar
quei i jera fas fud che te apressavi tanto
e me nono, da Spinato a Sant'Andrea, se ne fazea vanto
el gavea in scarsea e caramee pip
e de besteme, daea so boca, gnianca un bip
te ghe giravi intorno, te ghe spiociavi e carte
a ziogar ai pitocheti subito el voeva mandarte
parchè se te parlavi te ghe smontavi el ziogo
primiera, danari, carte "Go perso... fasso un rogo"
e ora "tien 100 franchi tote un giacioeo"
100 franchi! 5 cent de euro! Che voeo!
'desso un calipo costa come un debito in banca
e de che l'età e de me nono, tuto me manca
se jera pì cei se gavea manco pensieri
i zioghi tra coetanei jera tuti pì sinceri
no ghe jera celulari, no ghe jera pleistescion
ziogar coe biglie in spiaja... queo jera fescion.
ma 'desso semo grandi e gavemo altre voje
de trombar, de magniar e no 'ndar cior su foje
de 'ndar al fas fud gavemo progeti de 'ndar
AH HE JI ME el bueo de panin se femo sfondar

Evento "AAMG @ Mecco Donaldo"

Evento: AAMG @ Mecco Donaldo

Location: Mecco Donaldo vissin aea rotonda sua pontebana
Data Evento: Giovedì 31 Gennaio 2013

Descrizione: la serata proposta sarà all'insegna del mangiare sano e divertente. Verranno quindi apprezzati i buoni e sani principi alimentari della cucina locale in un ambiente dove nuove idee e iniziative nascono (e dico nascono nel senso che pochi giorni fa è nata veramente una persona dentro uno di questi locali).

Nota: se l'evento raccoglie favorevolmente il vostro entusiasmo da qui a 6/8 mesi, appena digerito il tutto, possiamo proporre una divertentissima alternativa dal titolo "AAMG @ Mecco Donaldo Drive" dove, al divertimento e buon cibo sopra descritti, si uniranno il brivido e l'emozione di mangiare in macchina... del Dondi e del CP.

Certo di incontrare la vostra attenzione (e anche quella dei mini membri Giulia, Teo, Aurora, Edo, Gaia) saluto con sempre immutata stima.

AHJM

P.S. opur 'ndemo tuti da To.Be

Liberamente tratto dalla "Seconda lettera del Balsa alla presidenza"

Idea entusiasmante per una serata divertente

Mecco donaldo alla piastra, ben cotto o al dente

Mi vedrà sen’altro presente

Con al seguito Pipe, chiaramente….

guida lei che è più prudente

procede con attezione e sempre lentamente

macco drive provato con gusto nel viaggio in altro continente

patatine, bicchiere, panino, tazza e sugo contemporaneamente

tutto in una mano, e Spriz che guidava sapientemente

sulla autorute, grande mela conducente….

Lo scomaco ancora incazzato, caro presidente

Questo è tipico del mecco donaldo, non ci possiamo fare niente

E allora, già in settimana, l’evento sia imminente

Mecco quel che ze, o TUTTI DA OTTO!!!!! Che è più prudente

Liberamente tratto dalla "Lettera del presidente pro tempore ai membri"

Gentile Ciambellano dalla rima pungente
accompagnato dalla Pipe dalla guida prudente
son ben lieto di vederla pronta sul pezzo
e di accettare iniziative senza ribrezzo
concordo che Donaldo non sia proprio sano
a volte, abusarne, fa bruciar l'ano
ma una serata budella tra amici festanti
si può pagar bene con bacilli intestinali brulicanti.
Certo non si parla di ToBe, da alti standard di pulizia
lui prepara il tuo toast mentre la moldava "netto" lo mette via
e non si metta in paragone con Otto dal panino unto
pantegane e nutrie, del condimento è solo un sunto.
Ma alla fine l'importante è partecipare
chi vuol soffire il double cheeseburger deve mangiare
quindi si indìca la data che presto prenotiamo
più gente aderisce più noi ci divertiamo
parafrasando el nostro schieson tutti voi invito a partecipare
AHJM e che altri tutti in mo*a de so mare

Ending Maya in D Ass Party

 

Liberamente tratto da "Ending Maya in D Ass Party" scritto da J.R.R.Pokotho

Festa rinovada soto tanti punti de vista
a scuminziar dal magniar che jera in lista
zè sta el punto focae de l'ultimo del ano
che ne gà portà al 2013 sensa dano.
Ai Studios come da tradision se jera in tanti
11 adulti, 2 cei e anca do popanti
parchè oltre a Teo e aea Aurora
ghe jera Edo e Gaia a dormir de bonora.
Ringrassio subito el Balsa che gà cusinà
dal'antipasto ai contorni, tuta na bontà
zè proprio come el vin el migliora inveciando:
fa a spesa al Cadoro, Emisfero o al Lando
el risultato zè sempre otimo no se pol dir gniente
parchè sensa fame zè 'ndata via tuta a zente.
Auguri da novo al Spris che compie i ani el primo
e par jù sti versi ghe dedico intanto che rimo
confidemo che presto el ne fassa na sopresa
e che l'iscrision aea maratona vegnie presa
parchè prima che se iscrivemo zè mejo, ne semo sicuri
e i alenamenti de corsa sarà sgombri da momenti scuri
cusì se pareciemo aea prima AAMG trasferta mondiae
ai americani insegniemo a cusinar el Maiale Globae.
Saeudo el CP che no jera presente fisicamente
ma nea compagnia zè sempre vegnuo in mente
parfin un saeudo daea lontana Alta Badia ne gà fato
auguri aea so fameja, fradel, genitori e anca al gato.
2013, el zè finalmente rivà
e tante idee el ne gà portà:
Maratona a Niu Iorc, zene coi fioi
co riva a stajon quintai de Bogoi (ma rima solo a scriverlo ma n'importa... licenza poetica)
cei che cresse, cei che nasse
co riva a Pasqua compremo u fugasse
grigliate dal Dondi, grigliate dal CP
in AAMG semo sempre de pì
fora i programi, zenaro zè zà partio
vardeve e spae che el Cojano zè da dadrio
un brindisi in alto (in America, a tost in the air)
AHJM basta soferense, basta patir
semo na bea compagnia e cussì dovemo restare
buon ano a tuti e che altri in mo*a de so mare