Buon Compleanno Dondi

 

 

Carissimo Dondi,

l'intera Accademia è felicissima nel porti i nostri più sentiti auguri di buon compleanno.

Siamo orgogliosi di averti tra le nostre amicizie più care e saremo ancora più orgogliosi se vegnesse fora na bossa de bianco par festegiar.

 

AH HE JI ME

Schieson Trevisann - BepI elgobo - Pronostego 2013

Domie e dodese ormai in fase de chiusura
par colpa dei Maya tuti a pareciar a clausura
procuremose viveri, pareciamose aea carestia
inondasion de giasso che riva daea normandia
se sciogliarà i giassi, rivarà teremoti mondiai
a tute e popoeasion vegniarà fora anca i cai
radioassion soeari che brusarà fora tuto
ghe sarà da pianzar e de metarse in luto
morte e desperasion, caldo e giasso
par dirla tuta mi me ne sbatto el casso
parchè un bunker no o fasso e de stenti vivar no vojo
me a godo fin in fondo e, come che se dise, "dove cojo cojo"
quindi ai Maya ghe fasso un bel saeudo
me parecio el 21 matina tronfio tuto nudo
e speto che i rive sentà sul divano
speremo soeo che a rivar no sie el caro Cojano.
Dunque pareciemose ai festegiamenti totali
njaltri adoratori de alimenti "maiali"
che pareciaremo aea serata conclusiva
par a prima volta Edo e Gaia in esclusiva.
2012 che passa, ghe zè tanto da festegiar
a scuminziar dai do cei, bei da inamorar
Edo, ormai zè grandeto e el scuminzia a fumar sigarete
invesse a Gaia a va in zerca sempre e soeo dee tete
i genitori i spera che sia na fase pasegiera
e che pì vanti coi ani a divente na femena vera
ma njaltri mascieti apressemo sempre tanto
e de amighe "LEZ" se ne femo sempre un vanto
amici "Gai" invesse zè n'altro discorso
ma rimandemo a discusion a un diverso corso.
Da festegiar ghe zè stà, del Pokotho, i 40
e, a nome suo, digo grassie par a festa tanta
al porcaloca zè sta dato el massimo e tuti se gà divertio
e riavolgendo el tempo tornarie a rifarla voentieri indrio.
Altro tema, a Sacerdotessa e i diese ani de matrimonio
un feston, in America, proprio un pandemonio
giro in New England e mojera contenta
da rifar de sicuro quando che rivarà i trenta.
Punto d'orgoglio, pal Balsa, da festegiar
l'incontro co a Chiara, donna del poetar
a gà scrito libri e a se ne intende de scarpe
el Balsa l'è risorto dal mare de sarpe
dove ch'el jera cascà dai trascorsi amorosi
momenti passai che gà assà strascichi doeorosi
ma co a new entry che i ricordi a disperde
e njaltri col tifo "che bea copieta" come a Duna Verde.
Festegia anca el Spriss co a casa nova de zecca
scaea de vero che no gà gnianca na pecca
i picoi che cresse che ne fa tanto divertir
principessa a baear, l'ingegnier a costruir.
CP infine gà tanto da festegiar
scarpe a profusion e nero da imboscar
ma da qualche parte i schei deve tirar fora
par mantegnier e femene, e ora "su de bonora"
robotino par l'erba, machina "nova" de bain
coeto tirà su come in discoteca fazea el Pasin.
Tuti i gà festegià e desso cossa zè che zè da far
Maya permetendo, el 2013 metarse a spetar
e sperar che i nostri sogni segreti
i se avvere completamente co momenti par tuti lieti:
el Pokotho vinzarà a maratona de niu iorc
e rivando al traguardo el gridarà "I Love The Porc"
So mojer a mandarà in mo*a IMU e ICI
visto che zè ritornà Silvio B. e i so amici
Balsa e Chiara i farà vita comunitaria e brava
però ea in camara matrimoniae e che altro daea slava
CP co e so donne spostarà a produsion in Albania
dove che, sensa fatura, a roba tranquieamente te porti via
Dondi invesse se portarà e femmene in Australia
jù e Santona in giro e a Gaia casa coa balia
Spris diventarà paron dea so asienda
a Aurora e Teo in CDA par asicurarse che a renda
Gò messo in fondo a Ile par ovi motivi
"cussì te pol lezar soeo qua se pal resto no te ghe rivi"
Calogero e Edo, i so omeneti che la rende orgogliosa
ea che dei membri attivi zè stada a prima tosa.
Ragassi parecieve, un anno novo zè ae porte
festegiemo co carni, pesse e torte
2013 semo tuti pronti, entremo de prepotensa
AHJM de tuti quanti vjaltri no faremo mai sensa!

Schieson Trevisann per il compleanno della mugliera

 

A me signora gà compio i anni
no se dise quanti se no i zè danni
par a me sauete mentae e fisica
e par motivi che dopo... no se "rosica"
quindi mi digo che a zè sempre zovane e bea
che, a confronto co altre, a par na putea.
A zè brava e a me accudisse
a zè a soea che aea fine me capisse
quando che sto mae e gò a freve alta
a me impenisse de medesine e a maeatia a rabalta
quando che a lavoro i me gà fato incassar
a me fa e coccoe e subito el fatacio desmentegar.
A zè brava a tegnier in ordine a casa
e par questo mi a tegno sempre in soasa
mi son un pastrocion e disordinato
ma co ea al me fianco me sinto rinato.
A fa de tuto, par che altri, no par ea
a se sacrifica par a causa, pora cea
e mi no posso far altro che lodarla
e, nel me picoeo, in casa jutarla.
Ghe piase cantar e canson de Adele
anca sui acuti zè tuto un squarciabudele
parchè ghe manca formasion musicae
ma par questo no a se buta zò de morae
"alsa el voeume" pena che a machina parte
e zò co i "YUHUUUU" con grande arte
bassi e acuti sfornai co precision militare
questa zè a me femmena che sa cantare.
Savendo sta passion na serenata ghe gò sonà
e spero che almanco l'intento sia stà apressà
jera e sete dea matina quindi a vose no a jera un gran che
ma me imaginavo ea na regina e mi el so re.
Che beo che zè vivar co a me signora
a basarie a sera tardi e anca de bonora
no voria nesun altra al me fianco
Angelina Jolie? Manco che manco
Scarlet Johansson? no a zè bona de far na pastasuta
Natalie Portman? a me femena zè pì bea anca co na tuta
Jessica Alba? a me par so nona
Penelope Cruz? gniente, gnianca co na minigona
L'unica che se avicina zè a Sofia Vergara
ma al confronto co me mojer a gà zà perso a gara
in partensa, no al traguardo, insoma no ghe zè paragon
e co ea al me fianco fasso sempre un figuron
Auguri, mia signora, te vojo un mondo de ben
stasera te cusino minestron, carne lessa col cren
stemo leggeri che dopo fazemo a "festa"
ocio a certe robe che dopo in 3 se resta!

Gran Consiglio in saeor

 

 

Cossa dir dea serata de ieri sera?
no gavarie dato pì sodisfasion gnianca na pera
parchè se a semo godua veramente
e de questo semo certi CHIARAmente.
Na parentesi la merita queo che jera sul piato
roba da grandi chef, no papete par el gato
maiale in saeor speciale e pien de zegoea
maiale originale che su a tecia el sfrigoea
do pietanse che vinzarie premi a dismisura
se voessimo farghe, a Chef Ramsey, a guera dura
invesse njaltri se e tegniemo strete strete
come che fa e tose a scuoea co e so tete
parchè semo un poco geosi de a nostra creatura
fata co passion coi doni genuini dea natura.
parlemo dee ciacoe che zè vegnuo fora
che me risonava in testa fin stamatin bonora
storie incredibii de amor e de passion
che ne gà contà el Balsa davanti al butiglion.
No scendo in detagli, non vojo essar scurrie
semo un ambiente serio, no semo in meso al cortie
e certe robe zè mejo contarle co na certa discresion
prima che a qualcuno ghe scampe un bojon.
Parlemo de na femmena che gavea a giossa pronta
e pensava de farghe a festa aea "ponta"
e co sciampagna e bicieri ciapai in man
a pensava de vestirse soeo de un sugaman
invesse a gà adotà a soeusion del impermeabie
che par verzarlo coe man ocupae a jera abie
verta a porta "varda che femmena varda che bea"
el CP gavarie risposto "pusate pur sora a ca*ea"
parchè el spetacoeo tuto somato el jera acativante
e de robe da sviupar, voendo, ghe ne jera tante.
"Va via no me interesa" incalza el Ciambellano
st'altra a se imaginava de darghe parfin l'ano
na ocasion persa ma giudissio co merito guadagnà
co na femmena rincasada che se gà anca vergognà.
Altra situasion, daea casteana sona
altra femena co "libertà" de mona
"oh me son maciada voo casa a cambiarme
'compagniame casa se te vol te pol farme"
"no no par carità son omo tuto de un pesso"
e el CP "Sio sporcacion ma che rassa de fesso"
'staltra a sfoggia a patata boente
'staltro no'l jera duro... gnianca al dente
parchè l'angoscia de finir triturà come na sarpa
lo gà fato 'ndar via perdendo anca na scarpa.
Certo che l'aprocio jera stà na roba bona
"cossa fatu de cognome" e zò na man sua mona
mi no me ritiro strofina pur dentro e fora
no ghe zè problemi de spassio qua tira anca a bora.
Mamma che risae ancora me e ricordo
a forsa de ridar son 'nda via quasi sordo
sarà sta anca el rafredor ma certo el divertimento
gavemo fato casin quasi par un regimento.
'desso tuti a far el tifo par i do maratoneti
mesi americani, mesi de profesion atleti
forsa ragassi, fazeghea vedar ai amici de Obama
sempre soriso in boca no stemoghe farghe un drama
42 kiometri de sana competission da consigliare
AH HE JI ME e che altri in mo*a de so mare

Schieson Trevisann al 1° compleanno dei 40

Liberamente tratto da "Schieson Trevisann al 1° compleano dei 40" scrito da J.R.R.Pokotho

Zè suceso che zè rivà i quaranta
co fadiga, feicità amicissia tanta
tanti i me gà scrito "auguri" o "bon compleano"
"te ssì vecio sensa infamia e sensa dano"
ma mi fortunatamente vecio no me sinto tanto
e de questo da sempre me ne fasso un vanto
no zè mai da contarli anagraficamente
lo dise anca el Balsa CHIARAmente
co te gà a fameja e a saeute zè pì che suficiente
rencurate el cuor e rencurate a mente.
Mi a fameja a gò e son tanto contento
co me mojer me trovo de pien al cento per cento
femo barufe, certo, ma dopo poco femo a pase
e zè beo quando che in casa tuto tase
parchè vol dir che semo vissini  tuti e do insieme
e questo zè l'obietivo che da sempre me preme.
De amici tanti e sempre premurosi
i vedo tanto gnianca i fose me morosi
ieri i me gà fato na bea festa tuti in compagnia
ghe jera a Alta Accademia in sintonia
L'Alta Academia del Maiale Globale
che anca magniando gà roto a tuti le bale
"E chi che compie i ani se alsa se alsa"
gà intonà a toea guidada dal Balsa
e co 'sta storia me zè tocà bevar vin a rota de coeo
e stamatina na storta da assarghe el boeo
in finae amici ve aso co na massima importante
no basta mai i schei e de fortune ghe ne vol tante
ma ricordeve sempre de dar un fià de amor a quei vissini
a uno na caressa a che altro bacini
demo amor a tuti no stemo far a guera tra njaltri
assemoghe a cativeria par quei manco scaltri
a me mojer, amici , parenti tuti
ve ringrasio tanto co mille saueti
ve mando un baso a tuti quei che gò da ringrasiare
e che altri i pol 'ndar tuti quanti a ca... ntare"

Liberamente tratto da "Festa Granda" scritto dal sommo B.B.Balsa

 

Co l’autuno casca e foje

e se riparte co nove voje
l’evento che verze a nova stajon
ze sta senz’altro el gran feston
celebrà al porca l’oca
brindando al Pokotho e aea pitoca
na festa davero come che se deve
tuti contenti che magna e che beve
al gran completo tuti passui
guidando pianeto che se jera bevui
fora che a Ile, niente alcol parchè a lata
che bruta roba, “sembra quasi malata”
e invesse ze beo, darghe a teta al ceo
poareto Calogero, nol fa mai festa co l’os*o
Invesse el CP, che ga parchegià a cea dai noni
sicuro de note el ga fato lampi e toni
grassie de cuor al Pokotho festeggiante
e aea so signora sempre presente
in atesa de foto e commenti de tuti

AH HE JI ME ai bei e ai bruti

Liberamente tratto da "Ci sono anch'io" umile composizione di $.$.Dondi

Sono qui anch'io per rimare

anche se con la giornata andrei al mare
Non ho tanto tempo e passion
ma è giusto elogiare la situassion.
Bella festa combinata
e e da tutta l'accademia apprezzata
Anche Gaia in pancia a fatto la mamma ruttare
e il papà mandarla in mo*a de so m*re
Tra antipasti risotti e tagliatelle
con il vino in corpo avevo sempre più stornelle
Ma alla fine guidava la prossima mamma
perchè all'etilo avrei risposto con l'antifiamma
Un'altro evento presto andremmo a festeggiare
per poi mandarvi tutti in mona de vs mare!

una cerCHIA RAgionevole di persone alle fiere

 

 

Liberamente tratto da "E Fiere de sto ano" scritto da B.B.Balsa

 

A serata, bea e tranquia

a ze rivada e anca ‘ndata via
in rispetto ae tradission più sane
come par un runner e banane:
se te si ingordo e te smove a panza
ma se te e magni co creanza
te te salvi dal sgranfo de sicuro
e te vien magari el os*o duro!
A santona ze sempre più tonda
e el Dondi davanti ghe fa a ronda
magna anca par ea, che intanto pissa
daltronde, puareta, se no la fa a ghe sbrissa
el Pokotho prova a far l’omo paron
a Sacardotessa alza a man par darghe un s-ciafon
e iu rinsavisse e ghe dimostra tuto el ben
eora ea locapisse e te o rivedi seren
mi e a Poetessa semo morosetti
a porto anca in spaea, tanto a pesa tre etti
demoghe da magnar che sino a me sparisse
che sia a paeja o che sia e pisse
ora vardo e prenoto, che ormai ze ora
AH HE JI ME e ‘nde tuti in maeora!

Liberamente tratto da "Lode a San Luca" composto da J.R.R.Pokotho (composizione volutamente in prosa libera in onore della Poetessa del Maiale)

La giornata uggiosa si presentò al nostro cospetto già dal mattino
gli alberi spogli avvisano tutti che l'estate è un ricordo lontano
l'aria trasuda di tristezza e apatia verso tutti i rumori intorno
e la gente stanca si affida alla parvenza di un possibile remoto risveglio.
Ecco qui sorgere un manipolo di persone, variegato ma per questo molto unito
persone che sono accumunate dalla passione per il verro animale
che si erano date appuntamento per il cerimoniale in ricordo di colui
che, evangelista, è vicino ai medici e agli artisti in tutte le loro forme.
L'arte propria si è manifestata nella preparazione della pietanza
che della bulbosa pianta ricca di gusto e sapore ne era pregna
la donna precisa quasi lo sguardo non alzava dalla piastra
mai interessata dallo sguardo dell'astante ma al foglietto a lei mostrato
che reca al suo interno un piccolo ma importante tesoro già nel suo forziere.
La compagnia forte di aulica presenza ha compiuto una perlustrazione dell'area
colma di popolazione ebbra di suoni e luci dai mille colori
che portano le menti a volare lontano facendo sentire tutti dei bambini
ma al costo di 2 oboli per un viaggio, 5 per 3 viaggi, 10 per 6.
Che bello il ricordo dell'impavido cavaliere che porta la sua amata al trasporto
e sebbene il fardello non sia così pesante un plauso va dato all'amante
che scorge negli occhi celesti della donna purezza e amore
e dal suo animo, mille sentimenti, dai pericoli della vita, proteggono.

tentativi di CHIARA imitazione

 

 

Liberamente tratto da "Tentativi di CHIARA imitazione" scritto da J.R.R.Pokotho

Torna come ogni ano a 'sta ora
panin col cioto in modaità "signore e signora"
che sarà garantio anca 'sta volta
col Balsa in version John Travolta.
A situasion 'desso zè CHIARAmente migliore
che vol dir tanto par jù, gran signore
e sarà na svolta, sarà un giro de pagina
aea facia dell'età che el tempo sempre macina.
Panin col cioto abondante tuto come sempre
gnianca se fossimo tegnui da magniar par tuta setembre
zegoea abondante par a Santona in stato interesante
"un misto de tuto" comanda a compagnia restante.
Zè cussì che voemo njaltri e fiere de san luca
ciapar na sgionfada che te bate in suca
parchè co a bira, el casin e e ciambee
te gira a testa, el stomego e e buee.
Ovio no zè certo come magniar al tulà
e de posti mejo se ghe ne trova qua e de eà
ma a njaltri ne piase onto e bisonto
come i bogoi de Sandro che parea tonto
ma che tonto no'l jera de sicuro
da quando i cavei gavea perso el scuro
te magniavi sempre bon da stare mae
forse parchè el condia a roba dopo na gratada ae bae.
Che ricordi, Sandro, ma 'desso i tempi zè cambiai
te ricordemo par i to magniari e no par i to guai
tuti ae fiere el panin col cioto dovemo magniare
AH HE JI ME e che altri in mo*a de so mare

borCHIA RAmata

 

Liberamente tratto da "borCHIA RAmata" scritto da J.R.R.Pokotho

Zè rivà l'autuno amici cari
scordemose el caldo e i tramonti ciari
parchè a stajon se pur tarda a zè drio rivar
e a zè pronta de prepotensa a entrar
portando, come se disea a scuoea,
"foje che casca stagionemo a passooea".
Ma a nova stagion co brio e novità a se gà presentada
entrada in ponta de pie e cusì ben apressada
Chiara de nome e Chiara de cavei
minuta de fisico ma co soeo vinti dei
(leggasi come dita e non come divinità)
(libera citazione al monolite di Torre di Mosto)
(no parlo altro de Duna Verde)
(... beh, non diretamente)
Intanto bisogna dir che njaltri semo stai discreti
tra feisbuc e visure catastai i so cassi revoltai come calseti
"situ parente de tissio?" "Cossa faeo to fradel"?
mancava poco che se ghe domandasse se a jera costipada de budel
ma aea fine zè stà un segnae positivo
e el Balsa oviamente se gà pompà come un divo
la gà stregada co fisico da maratoneta
e da uno che, el piato, sempre ben el neta
anca massa, pora cea, che a se vede cusinar na bestia intiera
par el Balsa che torna casa dal lavoro aea sera
Ve vedo ben, Balsa e Chiara, insieme come copia
speremo che no finisse come el saon e dopo tuto scopia
parchè a me par na tosa a posto e no e soite carpe
questa a zè pulita de animo... a vende parfin e scarpe.
Parlando dea serata tuto ben ansi otimo
se gà magnià el kiloburger gnianca fosimo pagai a cotimo
na roba devastante par el stomego a parte, pararie, queo del Balsa,
no te o mandi zò se no te o neghi co tanta, de Tomato Ketchup, salsa
Un sprits fato co a bira, n'altra novità geniae
i ne gà servio co simpatia e far regae
un bel locale pecà un fià in cueo al mondo
par rivar tanti retilinei e rotonde da girar in tondo
ma a strada val proprio a pena de farla
e de bira e sprits na baea bisogna proprio ciaparla
W il kiloburger W a Chiara W i moroseti novi
AH HE JI ME col fondo cassa compraremo sparasi e vovi

lutto - miNI COrdoglio

 

 

10 Setembre 2012

Luto Nasionae

Dopo breve ma intenso raporto zè vegnuo a mancar "La Zia"

Rispetando i sentimenti de tuti no se sintimo de zontar altre paroe se non un sentitissimo saeudo e na profonda comossion.

Grassie da tuti, te ricordaremo!

uN'ICOna globale

 

Giornata stupenda su tuti i fronti
quea passada tra griglia e "ponti"
scuminziada zà de bonora aea matina presto
me preparo par a corsa lesto lesto.
Corriestate a Roncae 11 kiometri de corsa
parecio el necessaire tuto dentro na borsa
co me fradel son pronto el cronometro che parte
scuminzia a manifestasion corro co arte
primi kiometri sensa fracar
importante el ritmo mai moear
me meto dadrio do tose col me passo
e me taja l'aria e me tira anca el c... passo
Zinque e meso ecco el ristoro
col sol che bate un giosso de acqua diventa oro
un per de bicieri un biscotin e via
qua no se schersa tornemo in scia
ma e tose jera distanti e a stanchessa tanta
rimetemose a corrar che da dadrio i me vanta
son rivà aea fine el tajo el traguardo
a mojer e cognada ritrovo col sguardo
Bravo Pokotho, a corsa te te ssì conquistada
fate na docia che ghe zè, dal Dondi, a grigliada.
Riva i ospiti aea spiscioeada
riva anca a Zia dal Balsa acompagnada
finalmente a conosso na persona in gamba
beo el fisico da baearghe na samba
riva el spriss e el cp coi cei affamai
magniemo a carne, i panini e i formai
proprio sul formajo voria far na riflesion
parchè aea piastra problemi a profusion
el Dondi orgoglioso cusina a feta "fine" tajada
passa do minuti e vien fora na cagada
fiumi de formajo che va da par tuti i cantoni
Dal Dondi parte incessante un flusso de bojoni
svelti co un piato tegnieve co na gruccia
bisognava tirar su el tuto soeo co na canuccia.
Ma n'importa el formajo, aea fine tuto zè stà magnià
purtropo anca calcossa de carne zè stà vansà
in efeti a roba a jera un fià tanta
e a mangiar se jera un fià manco de otanta
ricordemose aea prossima manco da magniar
che aea saeute de tuti dovemo vardar.
Un saeudo finae ai amici che ieri jera presenti
grandi discussion e risate a tutti denti
trovemose ancora a mangiar e ciacoear
AH HE JI ME e che altri pol 'ndar tuti a ca*ar

uomiNI COraggiosi

 

Come na rassa che mai a vol moear
njaltri gavemo a grigliata da magniar
grande el grupon stavolta un sucesson
gavemo desmentegà a mer*a del gran friton
che me gavea mosso el stomego de traverso
par un menù che, daea stampa, jera tanto diverso.
Insoma na magniada de gran gusto
organisada nel modo queo pì giusto:
ritrovo dal Balsa par na bira fresca
tuti in machina a far na tresca
finisse agosto e el tempo se fa mueo
sarà par queo che tuti gà spissa sul cueo
Dondi fa "parchegia fora che dentro ghe zè casin"
traversada a pie e... soeo na machina soto un pin
riva a pasta dea pissa coe verdure pasteae
patatine frite e birre giassae
co zè sta el momento de farse a grigliada
se jera tuti co na bea stomegada
e invesse de far bis de carne sui vassoi
se semo ritirai come i cojoni sui giassoi.
Par carità anca a piova a gà dato el so contributo
cori cori dentro che el tempo gà gira bruto
dolse e cafè par finir in alegria
consegna el cupon e tuti in mo*a de so sia.
A proposito un saeudo carisimo da parte nostra
gavemo visto e foto bee come na giostra
de persona no so come che a sie ma bel el cueto
bravo el Balsa! Faghe far un bel gireto
portea a magniare portea a bere
faghe passar serate vere
de simpatia e amore co a letera maiuscòea (nota del poeta: far sentire la o accentata)
faea divertir, magnieghe a Passòea
che zè questo che a donna a cerca incosciamente
se a dise el contrario, tranquieo, spudorata a mente
magnieghe a Passòea usa el fascino che te sà donare
AH HE JI ME e che altri in mo*a de so mare

Sona Ormee

Come promesa a serada zè rivada
onta de bogoi, de vin bagnada
zinque i presenti, el sesto na agiunta
el gà parchegià co ziogo de taco e punta.
Ritrovo daea ciesa co jera oto boti
qualcun fresco de docia altri, de lavoro, coti
Pokotho e CP, Balsa e Dondi
Spriss a completar i nostri girotondi
"dove 'ndemo? cossa magnemo?"
i bogoi, trovar freschi, njaltri speremo
e eora al Raboso pronti e via
ripeto, soeo zinque omeni, gnianca na "cia"
Rivemo co a machina del Cp nova de bain
a bagniemo co alcol "Evviva Cin-Cin"
machina nova... insoma sempre a stessa
gnianca dal concesionario el gavesse sempre pressa
un per de robe bee de che a vetura
1) i sedii in pee che a vita i dura
parchè rivestii de stofa imbotia
par a saeute del Dondi, fame un piazer, "tirei via"
2) l'autoradio che leze i ese-eme-ese in diaeto
el Balsa ghe ne gà mandà subito uno direto
"Magnieme a tega, ciuciame a mo*a"
na vose metalica subito la intona.
Al raboso bogoi de pien, vin a caraffe
a parona gà portà sensa far na gaffe
friturina fresca e tochetoni de lateria
bisognava, a Santona, co njaltri portar via
parchè ea, del Lateria, a zè na grande estimatrice
pensar che lo cusina parfin su a frigitrice:
lateria fresco, su a padea scotà
lateria co a carne o de 18 mesi stagionà
frullà coe patate, soto e verze sofegà
co a gratarioea, sul pastisso, tuto masenà.
Daltronde a zè una che de formajo se ne intende
par comprarlo, fora dal casaro, a metea zo e tende
e 'desso a gira i ristoranti pì aea moda
par ordinarghene na forma, a pì bea, a pì soda.
Tra na ciacoea e che altra eco che 'Fonso se zonta
come cavalieri sentà su a tavoea rotonda
machine e motori, fi*a e putane
riva el conto, 135 euri, XXX *ane
Se se jera in 135 jera un euro a testa
tasi che gavemo aprofità de, a CP, festa
e co do monee de vanso son rivà casa
par l'alito de ajo son stà messo in soasa
daea mojer che me spetava preocupada
par a spussa, da che altra parte se gà girada.
'Desso vien vanti a grigliata de cupon
speremo de no ciaparla sempre sul gropon
parchè l'ultima volta zè stà na ciavada
"roba frita, signori, l'extra va pagada"
Spetando notissie del Balsa operaio
che sul litorae spernachia felice e gaio
pronto a far na gita de quee bee
sul trevigiano... in sona Ormee
Daghe Balsa, fame contento
fame sentir del to far portento
vanti co i eventi no stemo l'organisasion fermar
AH HE JI ME e in mo*a tuti deve 'ndar

CITEC (Comitato Improvisà Tete E Cui)

El spirito de na volta zè tornà tra njaltri

tosti vispi spiritosi e sempre scaltri
scuminzia na stajon de nove amicissie
conossue con un metodo no massa difissie
gò savuo de na zena fata co grande tramasso
na palpada co a man e dopo co tuto el brasso
"Bravi bravi" fazè e robe de scondion
mi da soeo vardando el muro come un coion
In ogni caso gò piasser de farve notar
che el Davide, sensa femena, zè drio sbocar
"'ndemo dae tetone che serve ai tavoi"
se ghe o conto a to femena... i zè cavoi
parchè co a zè presente te fa el santareo
e ogi invesse te si zà drio issiarte l'oseo.
No se fa cussì, proprio no se fa
ricordate de rispetar anca a cea che te gà
cossa possea dir de un pare de 'sto stampo?
"No vojo pì vedarlo, mi da casa scampo"
e ghe doo rason, pora cea, anca mi me vergogno
par che e tete ti te e vedi anca in sogno
l'importante comunque che a machina nova se bagnie
fa portar el Dom Perignon sensa storie sensa lagnie
Sciampagna de pien e bogoi su a terina
e dopo a cameriera messa subito a pecorina
festegiemo el Davide che zè caldo come na stua
carichemo un paro de fig*e e dopo tuti casa sua
sensa femena femo festa, spachemo fora tuto
AH HE JI ME ve speto stasera e tiro un bel ruto

un ciNICO Incontro

Quando a notissia zè vegnua fora
jera gnianca tanto tardi, de bonora
un segnal inquietante par tuti quanti
quatro o zinque, gnianca tanti
zè sta UN CINICO incontro che tristessa
tra njaltri jera sparia a contentessa
parchè un amigo jera in bruta situasion
e de straviarse gaveva tute e rason.
No se discute davanti a simii esigense
no zè beo gridar certe evidense
tegniemo un profio basso e proseguemo in vanti
i momenti difisii se afronta deicati coi guanti.
Rialsarse dae dificoltà no zè tuti boni
ghe zè quei bravi e quei, scusè a paroea, un fià cojoni
el grupo unito gà tirà fora a parte bona del'omo
semo dell'AAMG, aceteme de bon grado 'sto promo.
E ora ridemo sereni, magniemo na polpeta
parlemo de baeon, palpemo na bea teta
a Lina incinta, l'oste ciacoeon
gà portà el piato magnià in te un bocon
ma el secondo a fadiga zè entrà
e ch'el buono de grup on in cu*o zè restà
no se femo pì ciavar in 'ste maniere
njaltri se ocupemo de robe pì vere
de amici casuai conossui quasi par caso
"verzeme a butiglia... co a borsa de raso"
che se gà roto fazendo a spesa al supermercato
par fortuna che in cassa a borsa no gò pagato
riciclabii sì, rispetemo l'ambiente
e co sta scusa 'nden vanti a conossar a zente
"gò anca el salmon, no grassie zè massa"
son veneto de nascita, son proprio de rassa.
Zè istà femo festa, sciopemo i petardi
che juta de certo a rivar ai traguardi
tanto agogniai, tanto spetai
che tanto ne juta a tirarne fora dai guai.
Final de 'sta rima, provemo a riscumissiar
AH HE JI ME in cu*o dovè tuti 'ndar