Torna come ogni ano a 'sta ora
panin col cioto in modaità "signore e signora"
che sarà garantio anca 'sta volta
col Balsa in version John Travolta.
A situasion 'desso zè CHIARAmente migliore
che vol dir tanto par jù, gran signore
e sarà na svolta, sarà un giro de pagina
aea facia dell'età che el tempo sempre macina.
Panin col cioto abondante tuto come sempre
gnianca se fossimo tegnui da magniar par tuta setembre
zegoea abondante par a Santona in stato interesante
"un misto de tuto" comanda a compagnia restante.
Zè cussì che voemo njaltri e fiere de san luca
ciapar na sgionfada che te bate in suca
parchè co a bira, el casin e e ciambee
te gira a testa, el stomego e e buee.
Ovio no zè certo come magniar al tulà
e de posti mejo se ghe ne trova qua e de eà
ma a njaltri ne piase onto e bisonto
come i bogoi de Sandro che parea tonto
ma che tonto no'l jera de sicuro
da quando i cavei gavea perso el scuro
te magniavi sempre bon da stare mae
forse parchè el condia a roba dopo na gratada ae bae.
Che ricordi, Sandro, ma 'desso i tempi zè cambiai
te ricordemo par i to magniari e no par i to guai
tuti ae fiere el panin col cioto dovemo magniare
AH HE JI ME e che altri in mo*a de so mare
Anonimo Pubblicatore per conto del Balsa
RispondiEliminaAl Panin col cioto semo tuti pronti
mi go adiritura za i cavei bei onti
ligai co a coa come i tzigagni padovani
e par taiarli ghe pensaremo un domani
un bicer de vin novo, come che se costuma
che te move a panza, come nel mare a bruma
e qualche sbriseta, segnae de l’autuno
segoea e pevaron, tuto in uno
e castagne sto ano ghe e assemo al barachin
caro impestà, deinquente e assasin
almeno che no le voja qualche gentil signora
eora se ghe e compra, do volte e ancora
parchè il cuore grande di un uomo che si sbraga
tende se a sperare che tosto a ghe a daga
e me racomando, fin a zioba venturo
ciascun membro sia, nel proposito, duro
si tenga fede alla Accademica lealtà
AH HE JI ME senza pietà